Möhletli goýum 200 (iki ýüz) manatdan az bolmadyk we ýokary möçberiniň ölçegi çäklendirilmeýän ýagdaýda kabul edilýär hem-de goýumynyň möçberiniň üstüni dolmaklyga ýol berilýär. Möhletli goýum hasaby, fiziki şahslaryň pasporty we arzasy esasynda açylýar.

“Bagtyýar nesil” goýumy kämillik ýaşyna ýetmedik çaganyň ene- atasy tarapyndan çaga kämillik ýaşyna ýetýänçä möhletde goýulýar. Goýum 200(iki ýüz) manatdan az bolmadyk we ýokary möçberiniň derejesi çäklenmeýän ýagdaýda kabul edilýär hem-de goýumynyň möçberiniň üstüni dolmaklyga ýol berilýär. Goýuma nagt we zähmet haky geçirilýän bank kartlary arkaly goýmak mümkinçilik bar. Goýum çaganyň dogluş hakynda şahadatnamasy we onuň ene-atasynyň pasportlary hem-de arzasy esasynda açylýar.

“Bagtyýar Lukman” goýumy Türkmenistanyň saglygy goraýyş we derman senagaty ulgamynyň işgärleri uçin açylýar we goýuma 200 (iki ýüz) manatdan az bolmadyk we ýokary çäk 50 000 (elli müň) manat bilen çäklendirilen möçberde kabul edilýär. Goýum iş ýerinden işleýändigi barada kepilnama we pasporty hem-de arzasy esasynda açylýar.

Pensiýa goýumy 100 (bir ýüz) manatdan az bolmadyk we ýokary möçberiniň ölçegi çäklendirilmeýän ýagdaýda kabul edilýär hem-de goýumynyň möçberiniň üstüni dolmaklyga ýol berilýär. Goýuma nagt we bank kartlary arkaly goýmak mümkinçilik bar. Pensiýa goýum hasaby, pensiýa ýaşyna ýeten ýa-da pensiýa şahadatnamasy bolan fiziki şahslaryň pasporty we arzasy esasynda açylýar.

Talap edilýänçä goýum, fiziki şahslar tarapyndan banka goýup, islendik wagtda talap edip alynyp bilinýär we goýumyň bu görnüşinde möhlet kesgitlenilmeỳär we möçberiniň ölçegi çäklendirilmeýär hem-de goýumynyň möçberiniň üstüni dolmaklyga ýol berilýär. Talap edilýänçä goýum hasaby, fiziki şahslaryň pasporty we arzasy esasynda açylýar. Goýumçy tarapyndan goýuma bank kartlary arkaly bankomatlardan, terminallardan, “Internet bank” we “Mobil bank” arkaly töleg geçirmek mümkinçilikleri döredilen.